书海小说网

手机浏览器扫描二维码访问

第11章 别样妇人心（第2页）

“哟，小刀诶，侬来勒好巧，吾找侬来，是有只来钞票的大生意搭侬讲。”

“哦，搿忒好了，”莫小刀放下手中汤碗：“七姐，吾吃好勒，侬讲正经事伐。”

卢文英眉毛一挑道：“是搿副样子个，前头几日，东洋兵打进了南京，杀得尸横遍野，有钱人金银细软掼得到处侪是，东洋兵觉着阿拉亡国了，钞票一文勿值，老早勿作理会，纸币钞票更加掼得漫天飞勒海。

就有些随军的东洋商贩，乘伙大大咧咧收集法币，再贩到沪浪东洋商社手里厢，到租界银行兑换成日元，发了蛮大一笔横财哩。”

莫小刀面露精光，握拳道：“这些东洋鬼子，真额个个该杀！七姐，侬告拨我搿些，可是有可靠消息，用到我手下这帮兄弟伐？”

“黄浦路上头一家挂鼠字个东洋商社，正是伊拉家族额，管兑货币。”卢文英说着诡秘一笑：

“商社跟虹口宪兵队勿远，而且听讲搿个东洋商社是忍者家族，家族成员有交关高手，邪气扎手。”

“只要有钞票赚，还怕啥个忍者，多拼几条命而已，”莫小刀面色踌躇，思忖道：“只是勿好开枪，搿倒有点难弄了，得寻几个用刀好手才行咯···”

“呃，讲到此地我倒想起来，侬个夏吉祥勿是蛮厉害么，搿趟生意正好用上，”卢文英吐了口烟圈，继续问道：

“对额，搿个人侬觉得哪能样，有啥爱好，好控制伐？”

“英姐讲得对，这次笃定要用他，”莫小刀答道：“不过迭个夏吉祥身手蛮好，但是很有想法，伊勿好色，也勿贪财，做事体邪气有分寸，勿容易听人摆布。

我试过伊几趟，故意拿公家名义，少拨伊铜钿，但是伊勿介意额，拨多少拿多少，大概想还了我人情，就隐居忒了吧。

卢文英吐出一口烟圈，大笑起来：“呵呵，照侬搿能样子讲，倒蛮像红党风范额，该勿是赤色分子吧？”

莫小刀摇头说：“迭倒不会，据我所知，他是季老爷叔个投帖徒弟，经过老爷叔额法眼，派去东北搭东洋人打交道，我见他出手狠辣，邪气蛮像特高科特务。”

“哦，侬勿是，讲伊被东洋人卸磨杀驴，成了弃子，老恨东洋人么？”

卢文英吸了口烟嘴，徐徐吐出道：“正好借搿次行动，让伊手刃几个东洋人，拿把柄拨阿拉手里，日后伊胆敢反复，就交到虹口宪兵队搿搭。”

“七姐英明，吾就是迭个意思，”莫小刀表示说：“不过阿拉既然要拉拢伊，心甘情愿为我们所用，讲出搿个八宝提灯关窍，但是伊既勿贪财，也勿好色，还有啥个办法让伊服帖啊？”

卢文英走了几步，一摆手说：“迭也好办，侬拨伊辣辣锄奸队里向谋个正经官职，有了前途，再答应拨伊寻个钟意女子做老婆，辣辣租界里向置办一份体面家当，勿怕伊勿动心啊。”

“七姐想得蛮妥当，那就这么办，”莫小刀点头说：“只是做煞今晚迭笔生意，就要分办事兄弟每人一大笔钱，我担心夏吉祥攒够了生活费，一家伙滑脚走脱了哪能办啊？”

“嗯，搿也蛮有可能额···”卢文英沉吟了一下，挑起眉毛决然道：

“不过小刀侬放心好了，吾勿会让侬难办额，只要事成之后，侬把人带到静安寺老地方头分钞票。

分好了钞票，侬带牢心腹先走，剩下夏吉祥几人分开后撤，然后吾就安排人来场黑吃黑，拿伊拉个铜钿劫脱，勿伤伊拉性命就是。”

“讲得对哦！那夏吉祥当下靠赏金生活，他攒勿够钞票，就勿能离开我们，”莫小刀神态颇有些踌躇，捏着下巴说：

“只是搿能做了，我勿是忒没道义了哇？”

“啥道勿道义，勒真金白银面前，侪是浮云！”卢文英轻啐一下，叼着烟嘴剖析道：

“你们迭趟出手，顶多掠到二三十万法币，兄弟们至少得分两成，刨脱上缴两成份子，还得再拨洗钱老石一成个手续费，最后侬好留下来个，不过十万八万旧钞票。

就搿眼钞票，够勿够福祥里向头牌一年花销？何况侬要讨春秀过门，勿得花上百八十万钞票，在租界里置办一处公馆？”

几句话问得莫小刀耷拉了脑袋，卢文英犹自不休，强调道：

“要做人上头，舍得卖面皮，要晓得那只八宝提灯，可是关系到上万两黄货，即使侬我分得一成分，也就后半生有得靠，吃喝用勿光了！”

听到这里，莫小刀猛然点头，断然道：“行额！英姐，吾听你的！侬哪能讲，我就哪能做，为了迭档黄货，哪能干侪值得了！”

“别一头，侬也要捉捉紧哦，快点搞惦姓夏额，叫伊讲出真格实情。”

“英姐，我晓得哉！”

卢文英呵呵一笑，随即说道：“那就搿么讲定了，迭个辰光正巧，侬去福祥里搿搭散散心，吾事先拿侬个名头，叫人送了只翡翠镯子过去，春秀邪气满意，正等牢侬呢！

侬下楼辣吴阿姐埃搭，拿上另外一只镯子送过去，好事要成双成对嘛！”

莫小刀满脸感激：“英姐办事老周到额，小刀邪气佩服！那我去哉伐？”

“快得去呀，覅让春秀妹子等忒长辰光。”

笑声中送走莫小刀，卢文英止住笑，缓了缓面皮，闭目休息片刻，方才吩咐说：

“来宁！屋里厢茶具侪换掉，吾个象牙烟枪端过来，装好辽土服侍着，吴阿姐！喊四宝阿哥过来聊闲话。”